Tendo en conta que as persoas pasamos gran parte do noso tempo traballando, podemos intuir que a función dos enfermeiros do traballo ten unha gran importancia no benestar da sociedade.
Exactamente, estes encárganse de velar pola saúde dos
traballadores aplicando uns coidados profesionais encamiñados prioritariamente
á promoción da saúde e á prevención da enfermidade en relación cos riscos laborais
aos que están expostos.
Seguramente que se vos digo que son os enfermeiros que
participan na vixilancia da saúde individual dos traballadores, é dicir, nos recoñecementos médicos o entendedes mellor.
Xunto cos médicos do traballo, valoran a influencia dos riscos laborais aos que están expostos os traballadores e como os
distintos estados de saúde que pode presentar a persoa poden influir no
desarrollo da actividade labora.
Mais as enfermeiras do traballo fan moitas outras cousas. Axudan aos traballadores a alcanzar o máximo potencial da súa saúde formándoos e facilitándolles as ferramentas necesarias para que poidan adquirir hábitos de vida máis saudables.
A xestión da idade, o reto presente e futuro máis importante ao que nos enfrontamos como sociedade e do que non é axeno o ámbito laboral. Neste proceso de envellecemento, a enfermería do traballo está chamada a desempeñar un papel chave, ofrecendo os coidados necesarios para axudar á adaptación dos postos de traballo.
Outro dos pilares fundamentais da súa labor é a docencia. Por suposto, formando a traballadores, como xa dixemos, en hábitos de vida apropiados, pero tamén aos futuros especialistas en enfermería do traballo. Tamén facilitan a formación continua aos actuais profesionais para garantir uns coidados de calidade adaptados aos cambios sociais e tecnolóxicos. Buscan principalmente alcanzar a máxima seguridade.
Referencias
1. https://www.quironprevencion.com/blogs/es/prevenidos/sabes-hace-enfermera-trabajo
