Porén, a enfermería comunitaria e familiar abarca tarefas moito máis complexas: encárgase das persoas sás e enfermas, dende o nacemento ata que morren.
A enfermería familiar ocúpase de curar, por suposto; pero por encima de todo céntrase en coidar. Coida a saúde desde
todas as súas perspectivas.
Estas enfermeiras dedican moito tempo na consulta a escoitar e a entender
aos pacientes; solicítanlles que lles expliquen como se sinten e que necesidades teñen. Tamén coidan a
saúde para que non se deteriore realizando educación para a saúde, que é unha
das súas principais tarefas. Intentan, ademais, que a persoa sexa consciente das súas carencias ou puntos de mellora e que sexa capaz de tomar
a decisión de coidarse.
Tamén realizan o seguimento de patoloxías crónicas e forman parte do Equipo de Atención Primaria. Son o nexo entre os temas sanitarios e os sociais; detectan riscos para a saúde e poñen en contacto ao paciente con diversos profesionais.
Outra das tarefas da enfermería comunitaria e familiar
é estar na vida das persoas, favorecendo hábitos de vida saudables, facendo
fincapé na promoción da saúde e na prevención da enfermidade; realizan
talleres, charlas, programas… en todos os ámbitos nos que sucede a vida da
persoa.
Por último, non nos podemos olvidar da Atención Domiciliaria, e dos Coidados Paliativos, que acerca esta profesión aínda máis ás familias.
Referencias
