A osixenoterapia é un tratamento que, co obxectivo de previr ou diminuír a hipoxia, aumenta a concentración de osíxeno no aire que respira o paciente.
As mascarillas de osíxeno e as gafas nasais son os medios máis empregados para a administración do osíxeno a baixo fluxo. Permítennos conectalas a distintas fontes de osíxeno xa sexa a través de botellas de osíxeno medicinal ou un concentrador portátil.
CÁNULA OU GAFAS NASAIS
O fluxo é
continuo e regúlase mediante a fonte de osíxeno.
A principal ventaxa das gafas nasais é que permiten falar, comer e dormir sen interrumpir o fluxo.
Introducimos os
dous tubos nas fosas nasais. Despois pasamos os tubos da cánula por riba das
orellas e axustamos o pasador, deixándoo
baixo a barbilla.
MASCARILLAS
As mascarillas de osíxeno son dispositivos de plástico transparente que cubren a boca, a nariz e o mentón. Dispoñen dunhas cintas elásticas que permiten axustalas ao rostro simplemente adaptando ditas cintas pola parte posterior da cabeza.
As máis comúns son:
1. Mascarilla simple
2. Mascarilla de osíxeno Venturi
Permite controlar mellor a concentración de O2, pois nunca suministra distinta concentración da prescrita. Concentración do 24%-50%.
3. Mascarilla de osíxeno con bolsa
Aporta ata un 95-100% de osíxeno con velocidades de fluxo de 10 a 15 L/min. É importante non permitir que a bolsa se deshinche durante a inspiración. Con ou sen re-inhalación parcial.
4. Mascarilla de traqueostomía
En todos os casos é fundamental que o aire sexa humidificado para evitar a irritación das fosas nasais. Nas prácticas, veredes como cando pasades constantes debedes ir observando que os pacientes con mascarillas ou gafas teñan suficiente auga no humidificador.
Ata pronto, lectores!
Referencias
1. https://www.iberomed.es/blog/2021/10/08/mascarillas-de-oxigeno-y-gafas-nasales-para-que-sirven/
2. https://www.salusplay.com/blog/mascarillas-oxigeno-gafas-nasales/
3. https://equipomexmedical.com/blog/mascarillas-de-oxigeno/
