TRAQUEOSTOMÍA

    Algo moi frecuente que nos atopamos nunha planta de otorrino son pacientes cunha traqueostomía, isto é, unha apertura na parte anterior do pescozo que se realiza mediante un procedemento cirúrxico, xa sexa esta ciruxía planeada ou de emerxencía. O obxectivo é crear unha vía respiratoria alternativa para as persoas que non poden respirar por si mesma ou que teñen unha osbtrucción respiratoria.

    É importante non confundir o termo traqueostomía con traqueotomía, pois está última é o nome que recibe o proceso cirúrxico da apertura no pescozo para a creación da traqueostomía. Baixo anestesia xeral, realízaranse as inncisións cirúrxicas necesarias para acceder aos aneis cartilaxinosos da tráquea. Por último, o ciruxán, crea unha apertura na tráquea a través da cal se introducirá unha cánula.

    Unha traqueostomía pode empregarse como solución temportal ou permanente:

• Temporal: ante unha obstrucción ou lesión traqueal, cando é necesario un respirador…
• Permanente: por exemplo, cando é necesaria a extirpación da tráquea.

Cánulas

    Unha cánula de traqueostomía é un tubo de goma ou doutro material (plástico, pvc, silicona…) que se introduce polo orificio realizado na ciruxía e permite o paso do aire impedindo, a súa vez, que este pase a través das cordas vocais. Existen distintos tipos de cánulas segundo os seus compoñentes:

• Con balón/globo:  parte da cánula que se infla para evitar a broncoaspiración.

• Con camisa/cánula interna: chamámoslle camisa a un tubo que vai dentro da cánula e que se pode sacar con total facilidade, o que axuda notablemente a limpeza da cánula

    Non sempre teñen que incluir todos os compoñentes, poden ter ambos, só un dos dous ou nigún. 

    Nesta imaxe podemos ver unha cánula con todas as súas partes. Na esquerda de todo podemos ver ademáis o fiador, que simplemente é unha feramente que nos axuda e guía na colocación da cánula, pero unha vez instalada o fiador tírase, non sirve para nada

Colocación

    Antes de colocar a cánula prepararemos un “babeiro” cunhas compresas para que recollan as secrecións procedentes da cánula. Unha vez listo sacaremos a cánula do seu paquete e se esta ten balón comprobaremos que funcione correctamente inflandoo cunha xeringa; desinflámolo para colocalo.

    

    Agora preparamos ao paciente, retiramos a actual cánula (se a tivese), aspiramos as secrecións do estoma e limpamos con gasas e soro fisiolóxico.

    

    É momento de introducir a cánula esteril, lubricamos a punta para maior facilidade e introducímola a través dos estoma e inflamos o balón. Por último colocamos o babeiro e atamos a cánula cunha cinta.

Colocación interna

Apariencia exterior 

   

Describir a colocación non é doado así que déixobos por aquí o enlace a un vídeo curtiño para que poidades ver o proceso paso a paso. 

Referencias

1. ¿Qué es una traqueostomía? [Internet]. Cancer.org. [citado el 10 de noviembre de 2022]. Disponible en: https://www.cancer.org/es/tratamiento/tratamientos-y-efectos-secundarios/tipos-de-tratamiento/cirugia/ostomias/traqueotomia/que-es-una-traqueotomia.html
2. Laccourreye L, Dubin J. Traqueotomía. EMC - Cir Otorrinolaringol Cervicofac [Internet]. 2002 [citado el 10 de noviembre de 2022];3(1):1–9. Disponible en: https://medlineplus.gov/spanish/ency/article/002955.htm
3. Gálvez González MA. Procedimiento de traqueostomía percutánea: control y seguimiento de enfermería. Enferm Intensiva [Internet]. 2009 [citado el 10 de noviembre de 2022];20(2):69–75. Disponible en: https://www.elsevier.es/es-revista-enfermeria-intensiva-142-articulo-procedimiento-traqueostomia-percutanea-control-seguimiento-13138305