A terapia de infusión intravenosa adoita ser a práctica de elección á hora de administrar medicación a pacientes hospitalizados. Existen distintos tipos de vías segundo a súa inserción: vías venosas periféricas (a cánula insértase nunha vea das extremidades; xeralmente nos miembros superiores) e as vías venosas centráis (a punta do catéter sitúase na vea cava, xusto antes da aurícula dereita).
Vaise escoller unha ou outra en función de:
- Fármaco se vaia administrar
- Duración do tratamento
- Idade e estado do paciente
- Comodidade do paciente
Vías intravenosas periféricas
Son as máis sinxelas de implantar. Ińsertase un catéter tipo cánula para comezar rapidamente a infusión. O normal é que se coloquen no dorso da man, antebrazo ou zona antecubital. As veces óptase pola colocación no pé.
Teñen unha duración limitada, hai que cambialas con certa frecuenica, o que conleva a cambiar tamén o punto de inserción.
Para que poidades ver como transcurre a súa colocación deixámosvos este vídeo tan interesante que atopamos en youtube.
Vías venosas centráis
Insértanse en venas de gran calibre o que permite a administración de un maior volumen de líquido ao mesmo tempo que reduce o risco de extravasación. Teñen unha duravilidade moito maior.
Poderemos atoparnos con diferentes tipos:
- Vías venosas centráis con catéter simple: insértase directamente nunha vea de alto calibre (xugular ou subclavia)
- Reservorios intravenosos: poden ser permanentes ou semipermanentes. Insértase un reservorio cun septum de silicona baixo a pel do peito do paciente. A través deste reservorio inxectarase a medicación
- PICCs: vías venosas centráis de inserción perifñerica. Úsase un catéter longo que chega ata as veas de alto calibre.
- Líneas Media: son similares as PICCs pero son máis curtos e teñen unha colocación máis sinxela. Son un caso especial porque non se sitúan nunha vea de alto calibre pero si contan cun alto fluxo para poder administrar a medicación que non podería pasarse por cánula.
Se tedes curiosidade por ver como é o procedemento de colocar unha vía central podedes pinchar no seguinte link.
Tanto nun catéter periférico como nun catéter central haberá que realizar os coidados do catéter limpiando o punto de inserción con gasas, soro fisiolóxico e antiséptico de elección (clorhexidina 2%). A hixiene dun cateter central deberá realizarse con guantes estériles, que non son necesarios para manipular un catéter periférico.
Referencias
- Tipos de vías intravenosas y su uso en el hospital [Internet]. Arcomed. 2018 [cited 2022 Nov 22]. Available from: https://www.arcomed.com/es/tipos-de-vias-intravenosas-y-su-uso-en-diferentes-areas-del-hospital/
- De Enfermería D. CUIDADOS DE ENFERMERÍA EN EL CATÉTER VENOSO CENTRAL Grupo de Trabajo de Catéteres Intravasculares/ Comisión de Infección Hospitalaria, profilaxis y política antibiótica. MARZO 2004 [Internet]. Sefh.es. [cited 2022 Nov 22]. Available from: https://gruposdetrabajo.sefh.es/afinf/documentos/articulos/Protoc1.Enferm.12octubre1.pdf
