Os diferentes tipos de illamentos utilízanse
como medida preventiva para evitar a transmisión de enfermidades infecciosas. Grazas
a eles, conséguese:
- Diminuír o risco de infección para o paciente, persoal sanitario e visitantes mediante a interrupción da cadea de transmisión.
- Reducir a incidencia das infeccións nosocomiais.
- Previr e controlar brotes.
- Mellorar a calidade asistencial.
Este tema pode que, a priori, non vos chame á atención, mais non dubidedes que é fundamental entrar nun hospital con dito coñecemento.Sen ir moi lonxe, póñovos o meu exemplo:
No meu caso, o primeiro día de prácticas carecía desta información. Polo tanto, entrei na habitación dun illado sen saber o que estaba facendo. Fíxeno sen vestirme adecuadamente e, aínda por riba, metín un tensiómetro, termómetro e pulsioxímetro de fóra. Logo de ler esta entrada entenderedes o grave error que cometín.
Ese día, non só puxen en risco a miña saúde, senón a do resto de pacientes da planta.
Agora, coñecida a súa relevancia, paso a comentar os distintos tipos de illamentos hospitalarios. Invítovos a seguir lendo!
ILLAMENTO INVERSO
Trata de protexer os pacientes inmunodeprimidos: queimados máis do 25%, transplantados...
ILLAMENTO DE CONTACTO
Ten como obxectivo previr enfermidades infecciosas que se propagan por contacto directo: gangrena gaseosa, herpes simple diseminado, feridas abertas, queimaduras de menos do 25%, piodermas, etc.ILLAMENTO RESPIRATORIO
Faise coa finalidade de previr a propagación de enfermidades transmisibles por vía aérea. Exemplos destas son: varicela, meninxite, sarampión, rubeola, tuberculose pulmonar...
CARACTERÍSTICAS DOS ILLAMENTOS
*Nos illamentos respiratorio e de contacto, os pacientes que estén contaminados polo mesmo microorganismo, poden compartir habitación.
- Sinalización adecuada (carteis na porta, constancia na historia clínica).
- Porta pechada e restricción de visitas.
- Obrigatorio o uso de mascarilla, bata, guantes e calzas mentres se esté dentro da habitación (tanto persoal sanitario como visitas), excepto no illamento respiratorio (só mascarilla).
- O material necesario para vestirse debe de encontrarse preparado no interior da habitación, ao igual que o instrumental necesario para tomar as constantes e facer curas.
- Ao saír do cuarto, as prendas contaminadas depositaranse nun contedor sinalizado, excepto as mascarillas que se cambiarán fóra da mesma.
- Lavado de mans: debe de realizarse sempre..
- Nunca tocar sen guantes as feridas ou lesións no illamento de contacto.
Referencias
2. http://www.enfermeriadeurgencias.com/ciber/PRIMERA_EPOCA/2003/diciembre/aislamiento.htm
